» लेबनानमा दोहोरो भिडन्त भएपछि दिनभर बंकरमा लुकेर बाँचे नेपाली सैनिक

काठमाण्डु, १५ माघ– इजरायल र लेबनानको हिजुबुल्लाह लडाकुसमूहबीच बुधबार भीडन्त चर्किएको छ ।
सो क्षेत्रमा मिसनमा खटिएको नेपाली शान्ति मिसन टोली भने दिनभर बंकर बसेर सुरक्षित छ ।
लेबनानस्थित संयुक्त राष्ट्र संघीय शान्ति स्थापक मिसनमा बुधबार इजरायलको मानवरहित सैनिक जहाजको हमला भएको थियो । हिजबुल्लाह समूहले पनि इजरायली सेनामाथि फायरिङ गरिरहेको छ ।

‘हिजबुल्लाह लडाकु र इजरायली फोर्सबीच दोहारो फायरिङ हुने क्रममा इजरायली ड्रोनको आक्रमणबकाट एकजना पिसकिपर (शान्ति सैनिक) को निधन भयो, हामी सबै नेपाली टोली सकुशल छौं’, दक्षिण लेबनानको मेस इल जाबेलस्थित कृष्णदल गणका गणपति प्रमुख सेनानी राजेन्द्र गिरीले भने, ‘दिनभर हामी बंकरमा बस्यौं, सबै सकुशल छौं ।’
गिरीका अनुसार स्थानीय समयअनुसार ११ बजेदेखि सुरु भएको दोहोरो फायरिङ बुधबार अबेरसम्म चलेको थियो ।
साँझ अबेरसम्म दक्षिण बेलनानको आकाशमा एजरायलका जहाज घुमिरहेको गिरीले जानकारी दिए ।
करिब आठ सय नेपाली फौज इजरायल र बेलनानको सीमा क्षेत्रमा खटिँदै आएको छ ।
नयाँ पत्रिकाबाट

0 comments

Write Down Your Responses