एका बिहानै कतारमा दुई नेपालीको मृत्यु

March 15, 2015

दोहा । स्थानीय राजमार्गमा सवारी दुर्घटनामा परी शनिबार बिहान सबेरै दुई नेपालीको मृत्यु भएको छ ।

आफ्ना सहकर्मीलाई हमाद विमानस्थल छाडेर फर्किने क्रममा तनहुँका हरिभक्त गैरे र झापाका सन्तोष लिम्बू दुर्घटनामा परेका हुन् । उनीहरुको गाडीभित्रै जलेर मृत्यु भएको बताइएको छ ।

गाडी चालक गणेश ढुंगाना गम्भीर घाइते भएका छन् । दुवैको शब हमाद अस्पतालमा राखिएको छ ।

‘गाडी पल्टिएपछि आगलागी भएछ । जलेर दुई साथीको मृत्यु हुन पुग्यो,’ एउटै कम्पनीमा कार्यरत नरेश शर्माले भने, ‘बिहान ड्युटीमा नभेटिएर सोधखोज गर्दा मात्र घटनाबारे जानकारी भयो ।’

उनीहरु कतारको प्रतिष्ठित मिराक कम्पनीमा कार्यरत रहेका थिए । कान्तिपुर दैनिकमा समाचार छ ।

Labels: prabas