ह्वाइट हाउसमा विष्फोटको आवाजले आतंक
२४ फागुन, एजेन्सी ।
संसारकै सबै भन्दा कडा सुरक्षा भएको मानिने अमेरिकी राष्ट्रपति बराक ओबामा बस्ने ठाउँ अर्थात अमेरिकी राष्ट्रपतीय कार्यालय ह्वाइट हाउसमा विष्फोटको जस्तो आवाज आएपछि हंगामा भएको छ ।
ओबामा परिवार हेलिकोप्टरामा सवार हुनै लाग्दा यस्तो आवाज आएपछि त्यहाँका सुरक्षाकर्मीबीच आतंक मच्चियो ।
यो घटना शनिबार रातिको हो । खासमा ह्वाइट हाउसमा रहेको एक फुड भेण्डरमा आगोलागी भएपछि विष्फोटनको आवाज आएको थियो ।
शूरुवाती समाचार अनुसार यो विष्फोटनको आवाज भित्रैबाट आएको भनिएपनि पछि भने ह्वाइट हाउस बाहिर रहेको फुड भेण्डरमा यस्तो घटना भएको थियो ।
विष्फोट लगत्तै ह्वाइट हाउसका सुरक्षा अधिकारीहरु भने एकदम सतर्क बनेका थिए । कुकुरले समेत विष्फोट पदार्थ रहेको सूचना दिएपछि सुरक्षा अधिकारीहरुबीच हाहाकार नै मच्चिएको थियो ।
ओबामा परिवार एक कार्यक्रममा जान लगेको समयमा यस्तो भएपछि ओबामा र उनको परिवारलाई रोकिएको थियो । एक घण्टापछि मात्र ओबामा सडक मार्ग भएर गन्तब्यमा पुगेका थिए ।
0 comments
Write Down Your Responses