bollywood » फिल्म निर्देशक बलात्कार आरोपमा पक्राउ

असार ६ गते मुम्बई । बलिउड फिल्मका निर्देशक महमूद फारुकी बलात्कार मुद्दामा पक्राउ परेका छन् । ‘पिपली लाइभ’ फिल्म निर्देशन गरेका फारुकीलाई छ दिन हरासतमा राख्न अदालतले आदेशसमेत दिएको छ ।
एक अमेरिकी महिलालाई बलात्कार गरेको अभियोगमा नयाँदिल्लीस्थित प्रहरीले फिल्म निर्देशक फारुकीलाई पक्राउ गरेको समाचारमा जनाइएको छ ।
अमेरिकी महिलाले फिल्म निर्देशक फारुकीले आफूलाई बलात्कार गरेको आरोपमा नयाँदिल्लीस्थित न्यूफ्रेन्डस् कोलोनीमा रहेको प्रहरी थानामा उजुरी दिएकी थिइन् ।
‘पिपली लाइभ’ फिल्म निर्देशन गरेपछि फारुकीको चौतर्फी प्रशंसा भएको थियो । अमिर खान अभिनित सो फिल्मले थुप्रै अवार्डसमेत प्राप्त गरेको छ ।

0 comments

Write Down Your Responses