बेलायती आकाशमा चम्कदै गोर्खाली छोरो डा. राउत

लण्डन । ब्रिटिश लाहुरेका छोरा छोरी पढ्दैन्, पैसाले मात्तिएका हुन्छन्, बाबु आमा विदेशमा भएकाले केटा केटीलाई बोर्डिङ्को भरमा छोडी राम्रो ध्यान नदिने, पैसा र आधुनिक सुविधा मात्र जुटाउँछन् भन्ने नेपाली मानसिकतालाई गलत सावित गर्दै एक भूपू गोर्खा सैनिकका छोराले बेलायतको शिक्षा क्षेत्रमा नै एउटा रेर्कड कायम गर्दै ब्रिटिश हवाइ सेनाका फ्लाईङ्ग अफीसर भएर देखाएका छन् । उनी हुन् भर्खर २३ वर्ष टेकेका डा. प्रमीन राउत ।


बेलायत अल्डरशट निवाशी बुवा प्रकाश राउत (सवारी चालक प्रशिक्षक) र अामा मिना राउतको कोखवाट हङ्कङ्मा जन्मिएका डा राउतको वाल्यकाल र कक्षा दश सम्मको शिक्षा दीक्षा वुवा ब्रिटिश सेनाको क्वीन्स ओन गोर्खा लोजिष्टिक रेजिमेण्टमा भएकाले मामा किरण बस्नेतको रेखदेखमा नेपालको विराटनगरमा भएको थियो । उनका मामा किरण बस्नेतका अनुसार प्रमिन सानैदेखि अति रुचिका साथ अध्ययन गर्ने एक जेहेन्दार विद्यार्थी थिए र कक्षामा सधै अव्वल दर्जामा पर्थे । विदेशमा लाहुरे जीवन विताइरहेका वुवाआमाको मेहनतको कमाई कहिल्यै दुरुपयोग नगरी आफ्नो अध्ययनलाई निरन्तरता दिँदै प्रमीनले विराट नगरको देवराज शिवाली देवी टोडी दयानन्द एंङ्गलो वैदिक केडिया विश्व भारती विद्यालयमा कक्षा दश सम्मको शिक्षा पूरा गरे ।
प्रमीनले नेपालमा एसएलसीको परीक्षा तयारी गर्दै गर्दा आमाबुबा बेलायतको अल्डरशटमा स्थायी वसोवास गर्नलागेकाले उनीलाई पनि बेलायतमा नै ल्याई अगाडिको शिक्षा दिलाउने उनीहरुको निर्णयले प्रमीन एसएलसी परीक्षा नै नदिई बेलायत आएर आसम्यानर स्कुलमा भर्ना भए । बेलायतको स्कुलको फलामे ढोका मानिने जीसीएस्सी(११ कक्षा) मा उनीले स्कुलका नयाँ रेकर्ड कायम गर्दै ५ विषयमा ए स्टार र २ विषयमा ए ल्याएका थिए । यसले उनीलाई स्कुलमा सम्मानित समेत गरियो ।

Labels: feature, prabas