world » सुन्दर देखेर युवकले महिला सांसदलाई नै जिस्काएपछि…(फोटोफिचर सहित)

२०७२ वैशाख ११ गते
काठमाडौं । देश बनाउने, शान्ति सुरक्षा दिने काममा जनताको नेतृत्व लिएका नेता नै आजभोली असुरक्षित बन्न थालेका छन् । कार्यकर्ता तथा जनताको प्रतिनिधी भनेर चिनिएका सांसद समेत त्यसको सिकार हुन् थालेका छन् ।

भर्खरै मात्र भारतमा एक सांसद यौन दुव्र्यवहारमा परेकी छिन् । भारतको नयाँदिल्ली स्थित असेंबली एरियामा आम आदमी पार्टीकी महिला सांसद अलका लांबामाथि यौन दुव्र्यवहार गरिएको हो ।
असेंबली एरियामा आयोजित कार्यक्रममा सहभागिता जनाउन गइरहेकी सांसद लांबालाई होम टाउन नजिकै २८ वर्षीय युवकले यौन दुव्र्यवहारको प्रयास गरेको उनले सामाजिक सञ्जाल ट्विटमा लेखेकी छिन् ।
उनले ट्विटमा भनेकी छिन्-‘पहिले मलाई आँखा मार्र्यो, त्यसपछि नजिकै आएर मेरो शरीरमा छोयो । त्यसपछि मैले कसेर थप्पड हाने । अहिले जेल पुग्यो ।’ उनले युवकको नाम खुलाएकी छैनन् । यो घटना विहीबारको हो ।

सांसदमाथि नै यौन दुव्र्यवहारको प्रयास गरेपछि ति युवकलाई प्रहरीले पक्राउ गरी हिरासतमा राखेको थियो । घटनाको अनुसन्धान अनुसार उनको मानसिक सन्तुलन ठिक नभएकाले महिला सांसदमाथि दुव्र्यवहार गरिएको बताइएको छ ।
भारतीय सञ्चारमाध्यमका अनुसार ति युवकलाई उपचारका लागि मानसिक अस्पताल लगिएको छ । महिला संसाद अलकाले युवकको मानसिक उपचार राम्रो गराउन प्रहरीलाई आग्रह गरेकी छिन् ।

0 comments

Write Down Your Responses