सुन्दै अचम्म लाग्ने रक्सीले नुहाएर उपचार !!

रक्सी खानु वा अर्को शव्दमा भन्दा मध्यपान गर्नु स्वास्थ्यको लागि हानिकारक हो । तर यहीँ रक्सीले नुहाउँदा सरिरका रोग निको हुँदा रहेछन् ।

 यसको प्रमाण हो रक्सीले नुहाएर उपचार गर्ने युक्रेनको बियर थेरापी । drunk पश्चिमी युक्रेनको एक स्नानघरमा नुहाउनको लागि पानी होइन बियर दिइन्छ ।

 स्नानघरमा जाँदा बियर दिएपछि कसैले खाने सुरसार कस्न बेर लगाउँदैन , तर खबरदार त्यहाँ बियर खाने होइन , बियरले नुहाउनर्ुपर्छ । युक्रेनको राजधानीबाट १२ माइल टाढा रहेको टर्नोपोलस्थित त्यस स्नानघर परम्परागत उपचार पद्धतिका पारखीहरुको लागि मक्का मदिना नै सावित भएको छ ।

 वास्तवमा युक्रेनमा घरेलु उपचार पद्धति निकै चर्चित छ । घरेलु उपचारका केही विधिहरु निकै डरलाग्दा पनि छन् । ढाड दुखेको उपचार गर्न तातो गिलासले डाम्ने देखि लिएर खोकीको उपचारका लागि तेलमा चोपेर बालिएको कपडा छातिमा राखिदिने जस्ता डरलाग्दा विधि समेत अपनाउने गरिएको छ ।

 रक्सीले नुहाउने स्नानघरमा स्वदेशी मात्र नभएर धेरै विदेश पनि धाउने गरेका छन् । बियरले नुहाउँदा मृगौलाको रोग निको हुने तथा अपचको समस्या पनि हट्ने विश्वास छ । त्यस्तै छालाजन्य रोगको उपचारमा पनि बियर बाथ थेरापीको प्रयोग हुने गरेको छ

Labels: feature, rochak