दक्षिण अफ्रिकामा विश्वमै पहिलो पटक लिंग प्रत्यारोपण

 2015  |  शनिबार 30 फागुन, 2071

काठमाडौं, फाल्गुन ३० । दक्षिण अफ्रिकाका चिकित्सकहरुले विश्वमै पहिलो पटक लिंग प्रत्यारोपण गरेको दावी गरेका छन् ।

केपटाउनस्थित टाइबरवर्ग अस्पताल र टेलेनेबाँश युनिभर्सिटीले संयुक्त रुपमा नौ घण्टामा शल्यक्रियासम्पन्न गरेको दावी गरिएको छ ।

विश्वमै यस्तो अपरेशन दोस्रो पटक गरिएको बताइएको छ । यसअघि चीनमा गरिएको यस्तै अपरेशन असफल भएको थियो ।

तीन वर्ष पहिले परम्परागत खतना गर्दा लिंग खराब भएपछि शल्यक्रिया गरिएका २१ वर्षीय उक्त युवकको बारेमा अरु थप जानकारी दिइएको छैन ।

टीम प्रमुख प्रोफेसर आन्द्रे वान डेर मर्वले चिकित्सा विज्ञानका लागि यो ठूलो उपलब्धि भएको जनाएका छन् । 

Labels: Technology