news » एसएलसी पास गरेकालाई जागिरको अवसर, तलब मासिक २० हजार

काठमाडौं, २३ असार । जागिरको खोजीमा भौतारिएकाहरुलाई कृषि सामग्री कम्पनीले राम्रो अवसर प्रदान गरेको छ । गत विहीवारदेखि कम्पनीले ५२ जनाको लागि आवेदन खुला गरेको हो ।
कम्पनीले १७ जना शाखा अधिकृत, ९ जना वरिष्ठ सहायक र २६ जना सहायक कर्मचारी माग गरेको छ । अधिकृतमा खुलातर्फ ९ जना र आरक्षणतर्फ ३ जना महिला, २ जना आदिवासी जनजाति, २ जना मधेशी र १ जना दलित कोटा रहेको जनाइएको छ ।

त्यस्तै, बरिष्ठ सहायकमा खुलातर्फ ५ जना र महिला, आदिवासी जनजाति, मधेशी र दलित आरक्षणमा एक/एक पद रहेको छ । सहायक पदमा खुलातर्फ १४ जना र आरक्षणतर्फ ४ जना महिला, ३ जना आदिवासी जनजाति, ३ जना मधेशी, १ जना दलित र १ जना अपाङ्ग कोटा रहेको छ ।

शाखा अधिकृत पदमा दरखास्त दिन स्नातक, बरिष्ठ सहायकका लागि प्रविणता प्रमाणपत्र तह र सहायक पदका लागि एसएलसी उतीर्ण गर्नुपर्नेछ । योग्यता पगेका र इच्छुक व्यक्तिले ३० दिनभित्र कृषि सामग्री कम्पनी लिमिटेडको काठमाडौंमा रहेको प्रधान कार्यालयमा आवदेन बुझाउनुपर्नेछ । न्युनतम तलब २० हजार दिईने कम्पनीले जनाएको छ । त्यसभन्दा माथि पद अनुसार तलब तोकिएको छ ।

0 comments

Write Down Your Responses