२०४७ सालको भूत मन्साउन सडकमाः भट्टराई

बहुमतको रटान लगाउने दलहरु संविधानसभाका नक्कली धाई आमा
 काठमाडौं, माघ ६ – एमाओवादीका वरिष्ठ नेता डा. बाबुराम भट्टराईले कांग्रेस–एमालेले २०४७ सालको भूत ब्युँताउन चाहेको बताएका छन् ।
राजधानीको बिजुलीबजारमा सभालाई सम्बोधन गर्दै नेता भट्टराईले भने, ‘कांग्रेस–एमाले २०४७ सालको भूत ब्युँताउन चाहन्थे जसलाई तपाईं हामी लडेर मन्छाई सकेका थियौं । त्यो भुत ब्युँतेपछि त्यसलाई मन्छाउने सडकमा आउनुपरेको हो ।’
उनले जनयुद्ध र जनआन्दोलनमा हजारौंको बलिदानबाट प्राप्त संविधानसभाको वास्तविक आमा आफूहरु रहेको बताउँदै भने, ‘अहिलेका बहुमतको रटान लगाउने दलहरु नकक्कली धाई आमाहरु हुन् । माया आमाहरुलाई हुन्छ, धाई आमालाई हुँदैन । तिनीहरुबाट संविधानसभाको रक्षा हुनसक्दैन ।’
उनले आफूहरुले चुनावी घोषणापत्रमा सकेसम्म बन्द हड्ताल नगर्ने भने पनि प्रतिगामीको हातमा संविधानसभा पुगेपछि जनताको अधिकार सुनिश्चित गर्नका लागि आज सडकमा आउन बाध्य भएको बताए । उनले बन्दले जनतामा परेको दुःख कष्टप्रति माफी पनि मागेका थिए ।
भट्टराईले गनाएको संविधानसभालाई परिवर्तन गर्न चाहेको बताउँदै सत्तारुढ दलले पुनः संविधानसभालाई गनाएको विकृत संसद बनाउन खोजेपछि आफूहरु प्रतिरोधमा उत्रेको बताए ।
भट्टराईले जनयुद्ध, जनआन्दोलन, मधेश आन्दोलनको बलिदान खेर जान नदिने बताउँदै संविधानसभाबाट जनविद्रोह शुरु भएको बताए ।

Labels:

0 comments

Write Down Your Responses

Newer Post Older Post Home