.jpg)
मेष (चु, चे, चो, ला, लि, लु, ले, लो, अ)
सुरुमा अरूका लागि समय खर्चनुपर्ला। केही अस्वस्थता र कमजोरी महसुस होला। तापनि, मंगलबारदेखि स्थितिमा सुधार आउला। राजनीति र नोकरीमा उन्नति हुनेछ। व्यवसायबाट राम्रै लाभ मिल्नेछ। विद्यामा प्रगति हुनेछ। अरूको मन जित्न सकिनेछ। दाम, इनाम र प्रतिष्ठा कमाउने बेला छ। प्रतिनिधिमूलक यात्रा होला। पुराना साथीभाइसँग भेटघाट गर्ने मौका छ। साताको अन्त्यतिर अलि खर्च बढ्ला। तत्काललाई केही नोक्सानी देखिए पनि दीर्घकालीन काममा लगानी गर्ने समय छ।
वृष (इ, उ, ए, ओ, वा, वि, वु, वे, वो)
सुरुमा केही समस्या आउलान्। योजनाअनुसार समयमा काम सम्पादन गर्न नसकिएला। चोटपटक लाग्ने वा अस्वस्थताको योग छ। कामको बोझ पनि थपिनेछ। अरूका जिम्मेवारीसमेत वहन गर्नुपर्ने देखिन्छ। मंगलबारदेखि स्थितिमा सुधार आउला। बिस्तारै कामहरू बन्नेछन्। मान–सम्मान बढ्नुका साथै प्रतिष्ठित कामको जिम्मेवारी पाइएला। प्रशंसकहरूले तपाईंको चर्चा गर्नेछन्। आफ्नो क्षेत्रको नेतृत्व गर्दै यात्रा गर्ने मौका आउला। आयआर्जनमा सुधार आउनेछ। कर्मसिद्धिको समय छ।
मिथुन (का, कि, कु, घ, ङ, छ, के, को, हा)
सुरुमा रमाइलो यात्रा सम्भावित छ। मनोरञ्जनपूर्ण क्रियाकलापमा सहभागी भइएला। प्रेमको बन्धन पनि कसिने बेला छ। मंगलबारदेखि समय अलि प्रतिकूल रहला। चोटपटक लाग्ने, अस्वस्थ भइने र सानातिना समस्यामै अल्झिनुपर्ने समस्या आउलान्। नियमित काम पनि अवरुद्ध बन्न सक्छन्। तापनि सप्ताहान्तमा समय अनुकूल रहनेछ। धर्मकर्म, समाजसेवा, परोपकार जस्ता प्रतिष्ठा बढ्ने काम सम्पादन हुनेछन्। नयाँ काम वा नोकरी पाइने समय छ। आम्दानी पनि बढ्नेछ।
कर्कट (हि, हु, हे, हो, डा, डि, डु, डे, डो)
अधुरा काम सम्पादन गर्न सकिनेछ। शरीरमा आरोग्य र स्फूर्ति बढ्नेछ। प्रतिस्पर्धी तथा शत्रुपक्ष विस्थापित होलान्। प्रशस्त धन लाभ हुनेछ। प्रेमको बन्धन कसिनेछ। रमाइलो यात्रा र मनोरञ्जनमा सहभागी भइएला। व्यवसायको सिलसिलामा भ्रमण गर्ने मौका आउला। आतिथ्यपूर्ण सम्मान पनि पाइनेछ। बुधबारपछि भने झमेला, विवाद र चोटपटकको योग छ, सचेत रहनुहोस्। बन्दै गरेका काम अचानक रोकिन सक्छन्। तापनि सप्ताहान्तमा सुधार आउनेछ। रोकिएका काम बन्न थाल्नेछन्।
सिंह (मा, मि, मु, मे, मो, टा, टि, टु, टे)
सुरुमा अप्रिय समाचारले दुःखी तुल्याउला। स्वास्थ्य कमजोर बन्ने र पठनपाठनमा मन नलाग्ने समय छ । मंगलबारदेखि व्यापार–व्यवसायमा फाइदा होला । काम गरेर अरूलाई आकर्षित गर्न सकिनेछ । शत्रुबाधा समाप्त होला । प्रशस्त धन लाभ हुनेछ । अप्ठ्यारा चुनौतीहरूलाई पनि सजिलै पन्छाउन सकिनेछ । प्रेम र मित्रताको बन्धन कसिनेछ । रमाइलो यात्राका बीच आतिथ्यपूर्ण सम्मान पाइएला । सप्ताहान्तमा भने अस्वस्थता, रोकावट, हानि र चोटपटकको योग छ, सचेत रहनुहोला।
कन्या (टो, पा, पि, पु, ष, ण, ठ, पे, पो)
सुरुमा आफन्तसँग असमझदारी बढ्नेछ। नजिकका व्यक्तिबाटै काममा धोका हुन सक्छ। निर्णय गलत ठाउँमा पर्नाले फाइदा अरूलाई हुनेछ । पेटको खराबीले अलि सताउला। महत्वाकांक्षी योजना सार्वजनिक गर्दा हानि हुने सम्भावना छ, सचेत रहनुहोस्। विहीबारदेखि व्यापार–व्यवसायमा फाइदा हुनेछ। पढाइलेखाइमा प्रगति होला। गुरुजनको साथ मिल्नेछ । प्रतिस्पर्धीहरू पराजित होलान्। आर्थिक पक्ष पनि सबल बन्नेछ। चुनौतीहरू सजिलै पार लाग्नेछन्। रमाइलो यात्राको समेत योग छ।
तुला (रा, रि, रु, रे, रो, ता, ति, तु, ते)
सुरुमा प्रशस्त धन आर्जन गर्ने मौका छ । कर्मप्राप्तिको योग छ । सोचेजस्तै सफलता मिल्नेछ । सहयोगीहरूले साथ दिनेछन् र उत्साह पनि बढ्नेछ । मंगलबारपछि भने समय अलि प्रतिकूल रहला। निर्णय गलत ठाउँमा पर्नाले फाइदा अरूलाई हुनेछ । तापनि निराश नहुनुहोस्, विहीबारदेखि रोकिएका काम बन्नेछन् । पढाइलेखाइमा राम्रै उन्नति हुनेछ । आफ्नो प्रतिभा अरूलाई देखाउन सकिनेछ । व्यवसायबाट प्रशस्त लाभ होला। प्रतिस्पर्धीहरूलाई पछि पार्न सकिनेछ। मुद्दा-मामिलामा विजयी भइएला।
वृश्चिक (तो, ना, नि, नु, ने, नो, या, यि, यु)
सुरुमा बोलीको प्रभावले विवादमा परिने योग छ । मानसम्मानमा आघात पर्न सक्छ । मंगलबारदेखि स्थितिमा सुधार आउला । रोकिएका काम बन्नेछन् । व्यवसायबाट राम्रै फाइदा उठाउन सकिनेछ । आँटेका काममा सहयोगीहरूले साथ दिनेछन् र थप हौसला मिल्नेछ । प्रतिस्पर्धीहरूले हार खालान् । बिहीबार र शुक्रबार पुनः प्रतिकूल रहलान् । अरूको भरपर्दा हानि हुने र विश्वास गुम्ने सम्भावना छ, सचेत रहनुहोला । सप्ताहान्तमा स्थिति अनुकूल बन्नेछ । कामका चुनौतीहरू पनि हट्नेछन्।
धनु (ये, यो, भा, भि, भु, धा, फा, ढा, भे)
कामको सफलताले प्रसन्नता मिल्नेछ । पार्टी, पिकनिक वा खानपान समारोहमा सहभागी भइएला । कामबाट विश्राम लिने मौका छ । विभिन्न उपहार समेत पाइएला । मंगलबार र बुधबार अनायासै विवादमा परिने, आर्थिक अभावले सताउने र खर्च बढ्ने समस्या देखिन्छ । तापनि विहीबारदेखि सहयोगीहरूबाट साथ पाइनेछ । बोलीकै भरमा काम सम्पादन गर्ने समय छ । प्रेम र मित्रताको गाँठो कसिने बेला छ । सप्ताहान्तमा पनि धोकामा परिने सम्भावना छ, सचेत रहनुहोला।
मकर (भो, जा, जि, जु, जे, जो, ख, खि, खु, खे, खो, गा, गि)
सुरुको समय अलि कमजोर देखिन्छ । काममा बाधा र खर्चको मात्रा बढ्ने समय छ । स्थानान्तरण र टाढाको यात्रा सम्भावना छ । मंगलबारदेखि आफन्तजन भेटिएलान् । शरीरमा आरोग्य एवं स्फूर्ति बढ्नेछ । विशिष्ट व्यक्तित्वसँग भेटघाट गर्ने अवसर जुट्ला । मनपर्ने खानपान, वस्त्र, अलंकार आदिबाट आनन्द मिल्नेछ । बोलीको प्रभावले महत्वपूर्ण काम बन्न सक्छ । मानसम्मान पाइनुका साथै प्रशस्त धन आर्जन गर्ने योग छ । सहयोगीहरू जुट्नेछन् । काममा उत्साह थपिनेछ।
कुम्भ (गु, गे, गो, सा, सि, सु, से, सो, दा)
गरेका काम सहजै सम्पादन हुनेछन् । प्रशस्तै आम्दानी हात पर्नेछ । व्यावसायिक कामबाट राम्रो लाभ होला । श्रमको उचित मूल्यांकन हुनेछ । मंगलबार र बुधबार भने आकस्मिक खर्च बढ्नेछ । छरछिमेकमा असमझदारी पनि बढ्न सक्छ । स्थान परिवर्तन वा टाढाको यात्रा सम्भावित छ । विहीबारदेखि आरोग्य एवं स्फूर्ति बढ्नेछ । भेटघाटले प्रसन्नता मिल्नेछ । मनपर्ने वस्त्र, अलंकार आदि लाभ होला । नयाँ काम गर्ने मौका आउला । आतिथ्यपूर्ण सम्मान पनि पाइनेछ।
मीन (दि, दु, थ, झ, ञ, दे, दो, चा, चि)
सुरोकिएका कामहरू सजिलै बन्नेछन् । मान–सम्मान बढ्नेछ, प्रशंसा पाइएला । रमाइलो भ्रमण सम्भावना छ । नयाँ काम गर्ने मौका छ । आफ्नो क्षेत्रको नेतृत्व गर्दै यात्रा गर्ने मौका आउला । अरूलाई प्रभावित पारेर काम बनाउने समय छ । व्यवसायबाट सोचेको लाभ मिल्नेछ । दाम, इनाम र प्रतिष्ठा कमाउने बेला छ । आम्दानी बढ्नेछ । बिहीबारपछि भने खर्च बढ्ने र काम रोकिने सम्भावना छ । तापनि सप्ताहान्तमा स्थितिमा सुधार आउला। रोकिएका काम बन्नुका साथै पारिवारिक भेटघाट होला।
0 comments
Write Down Your Responses