news » भूकम्पले बाँचेकीलाई पनि मर्न बाध्य तुल्यायो

चितवन ।

पूर्वी चितवनको जुटपानीस्थित भूकम्पपीडित एक महिलाले आत्महत्या गरेकी छिन् ।

जुटपानी १, गुराउचौरकी भूकम्पपीडित ६५वर्षीय मङ्गलीमाया कुमालले आत्महत्या गरेको इलाका प्रहरी कार्यालय रत्ननगरले जनाएको छ ।

गत वैशाख २९ गतेको भूकम्पले घर भत्किएपछि बास बस्ने ठाउँ नहुँदा उनी चिन्तित थिइन् ।

हावाहुरीले दाताले दिएको त्रिपाल समेत उडाएपछि कुमाल थप पीडामा परेकी र सोही कारणले आत्महत्या गरेको हुनसक्ने आशङ्का स्थानीयले गरेका छन् ।

यसैबीच, जिल्लाको अति विकट गाविस लोथर–२ तिरुवामा चट्याङ पर्दा एक महिलाको ज्यान गएको छ ।

गएराति हावाहुरी र वर्षासहित आएको चट्याङ लागेर स्थानीय जगन्नाथ प्रजाकी श्रीमती करिब ५० वर्षीया नानामायाँ प्रजाको ज्यान गएको हो ।

उक्त घटनामा अन्य आठ जना घाइते भएको नानीमायाँका भतिजा शेखर प्रजाले बताए ।

0 comments

Write Down Your Responses