एसएलसी परीक्षार्थीले आत्माहत्या गरे

२०७१ चैत्र ८ आईतवार

सप्तरी : सप्तरीको कञ्चरुप नगरपालिकामा एसएलसी परीक्षा दिइरहेका एक विद्यार्थीले आइतबार आँपको रुखमा झुन्डिएर आत्महत्या गरेका छन् । 

कञ्चरुप नगरपालिका–८ निवासी उत्तम ढुङ्गानाका १७ वर्षीय छोरा कुल्दीप ढुङ्गानाले आत्महत्या गरेको इलाका प्रहरी कार्यालय कञ्चनपुरले जनाएको छ । 

उनले आत्महत्या गर्नुको कारणबारे अनुसन्धान भइरहेको जिल्ला प्रहरी कार्यालय सप्तरीले जनाएको छ । कुल्दीपले शङ्कर उमावि रुपनगरबाट जन्डोलस्थित घोगिन्धा मावि परीक्षा केन्द्रमा एसएलसी परीक्षा दिइरहेका थिए । 

शव परीक्षणका लागि राजविराजस्थित गजेन्द्र नारायणसिंह सगरमाथा अञ्चल अस्पतालमा राखिएको छ । रासस 

Labels: accident crime