crime » फिल्मी शैलीमा दाइको हत्या गर्ने भाइ पक्राउ

९ असार ,धनगढी, अंश विवादमा दाइलार्इ फिल्मी शैलीमा गोली हानेर भागेका एक भाइलार्इ कैलाली प्रहरीले पक्राउ गरेको छ ।

धनगढी नगरपालिका-५ को जाँई चोकमा मङ्गलबार दिउँसो दाजुको हत्या गरेर फरार दिनेश बोहरालाई घटनास्थलदेखि झन्डै चार किलोमिटरको दूरीमा रहेको अत्तरिया नगरपालिका–६ बेला गाउँस्थित आफन्तको घरबाट मङ्गलबार राति प्रहरीले पक्राउ गरेको हो ।

मङ्गलबार मध्याह्न युके०६आर २६३३ नम्बरको मोटरसाइकलको पछाडि सवार दिनेशले गोजीबाट पेस्तोल निकालेर मोटरसाइकल चलाइरहेका दाजु कुमार बोहरामाथि गोली प्रहार गरी फरार भएका थिए ।

गोली लागेर कुमार सडकमै ढलेपछि सोही मोटरसाइकल र अन्य कागजात लिएर दिनेश फरार भएका थिए । घटनालगत्तै प्रहरीले सुरु गरेको खोजी क्रममा आफन्तको घरमा उनी फेला परेका थिए ।

बोहराको नाममा कैलालीमा रहेको अचल सम्पत्तिको अंशबन्डासम्बन्धी विवादसँगै दिनेशले कुमारमाथि गोली प्रहार गरेको प्रारम्भिक अनुसन्धानले देखाएको प्रहरी निरीक्षक सूर्यबहादुर चन्दले बताए । रासस

0 comments

Write Down Your Responses