spiritual » आजको राशिफल : आज मिति २०७२ साल असार १४ गते सोमवार, आषाढ शुल्क पक्ष

मेष (चू चे चो ला ली लु ले लो अ)

पारिवारिक उत्त्तरदायित्व बोध हुनेछ । कर्तब्यप्रति इमान्दार बन्दा सबैको प्रिय भइने छ । केही शुभ काम सम्पन्न हुने छन् । गुमेको धन प्राप्त गर्ने यो नै उपयुक्त समय छ । मेहनतको फल उचित पाइने छ । मित्रको साथ र सहयोगले कार्य शिद्द हुनेछ ।

वृष (इ उ ए ‌ओ वा वी वु वे वो)

विद्वानजनको साथ र सहयोग पाइने छ । विचारमा प्रष्ट र व्यवहारमा एकरुपता आउने छ । विगतको कामको उचित मूल्याङ्कन हुँदा प्रतिफल पनि राम्रै आउने छ । इमान्दारिताको कदर हुनेछ । समय आफू अनुकूल बनेर आएको छ । नयाँ सोच र विचार प्रभावकारी हुनेछन् ।

मिथुन (का कि कु घ ङ छ के को हा)

विवादबाट मुक्ति मिल्ने छ । न्यायिक काममा तपार्इको सफलता योग छ । ख्याल ख्यालमै गरेको कामबाट प्रतिफल उँचो आउने छ । रमाइला क्षण तपार्इको स्मृतिमा जोडिने छन् । मित्रता दरिलो हुनेछ । सामाजिक दायित्व थपिने छ ।

कर्कट (ही हु हे हो डा डि डु डे डो)

आर्थिक सम्वृद्धिको दिशामा लागिने छ । नयाँ विचार र योजना पुरा हुने छन् । अरुको भरमा पर्दा बनेको पनि बिग्रेला । झट्ट अरुको विश्वास गर्दा फसिएला । भनाइ र गराइमा अन्तर आउने छ । समय सापेक्ष काम गर्दै जाने प्रेरणा पाइने छ ।

सिंह (मा मि मू मे मो टा टी टु टे)

बिगतको रमणीय क्षणको याद आउने छ । प्रेम सम्बन्ध रोचक मोडमा पुग्ने छ । विद्याको सहि प्रयोगबाट समाजमा स्थापित हुन सहज हुनेछ । बोली व्यवहारका कारण समाजमा बेग्लै पहिचान स्थापित गर्न सफल भइने छ । आर्थिक कारोवार लाभ दिनेवाला रहेको छ ।

कन्या (टो प पी पु ष ण ठ पे मो)

बिगतका सम्झौताको पालन नहुँदा मित्रता धरापमा पर्ला । बोलीको कारण विवादमा परिने भएकाले सोचेर मात्र व्यवहार गर्नु होला । तार्किक क्षमतामा समेत ह्रास आउने छ । गुमेको धन हात पर्नेछ । स्वास्थ्य सम्बन्धी बाधा दुर हुने छन् ।


तुला (र री रु रे रो ता ती तू ते)
कलाकारितामा लगानी योग रहेको छ । विषयको उँचो ज्ञानका कारण काम गर्न सजिलो हुनेछ । पढाइ लेखाइमा ध्यान जानेछ । परीक्षाको परिणाम आफ्नो पक्षमा आउने छ । नसोचेको कुरामा खर्च होला । व्यर्थको भागदौड र कार्य अनुसार फल नआउने योग छ ।


वृश्चिक (तो ना नी न‍ू ने नो या यि यु)
भेटघाट र भलाकुसारीबाट ठूलो निष्कर्ष निस्कने छ । आफूले चाहेको मित्रसँग ब्यवहार गर्ने मौका छ । सभा सम्मेलन आदिमा प्रतिष्ठा पाइने छ । गलत व्यक्तिको सङ्गतबाट भने टाढा रहनु पर्नेछ । सरकारी काम काज सहजै बन्ने ग्रह योग रहेको छ ।


धनु (य यो भा भी भू ध फा ढ भे)
झुठा मुद्दा र आरोपको सामना गर्न सक्षम भइने छ । न्यायिक काम आफू अनुकूल हुनेछ । गुमेको धन पाइने छ । रमाइला क्षणको स्मरणले अलौकिक आनन्द मिल्ने छ । मित्रको व्यवहार अनपेक्षित हुँदा मन मरेर आउने छ । सामाजिक काममा मन लाग्ने छ ।


मकर (जो जा जी खी खू खे खो गा गी)
विवादका बीच कार्य सफलता योग रहेको छ । स्वास्थ्यमा सुधार हुनेछ । अरुको भर र सहयोग पाइने छ । कुटुम्बेली सम्बन्ध अझ प्रगाढ हुनेछ । आफ्नो राम्रो सोचको सबैले कदर गर्ने छन् । सामाजिक काममा लागे लाभ हुनेछ । शुभ यात्राको समय रहेको छ ।


कुम्भ (गू गे गो सा सी सु से सो द)
विद्याको सहि प्रयोगबाट समाजमा स्थापित हुन सहज हुनेछ । आर्थिक तवरबाट तपार्इको स्थिति मजबुत होला । भाग्योदयको योग रहेको छ । गुमेको धन प्राप्त गरिने छ । केही शुभ समाचार सुन्न पाइने छ । आफूलाई लागेका आरोप निराधार सावित हुने छन् ।


मीन (दि दू थ भ ञ दे दो चा ची)
ब्यापार, बिजिनेसबाट लाभ हुनेछ । नयाँ क्षेत्रमा लगानी हुनेछ । बहुमूल्य बस्तु उपहारमा पाइने समय छ । तर दिनको अन्त्य भने अलि चुनौतीयुक्त हुनेछ । मनले खाएका मान्छेबाट असहयोग हुनेछ । पारिवारिक विवादले उग्र रुप लिन सक्ने छ ।

0 comments

Write Down Your Responses