.jpg)
अध्यक्ष प्रचण्डपछि आफैं एमाओवादीको अध्यक्ष हुन्छु जस्तो गरी प्रचण्डकै जसरी हाउभाउ गर्ने कारणले पत्रकार ओम शर्माकै शब्द सापटी लिएर भन्दा ‘फोटोकपी कमरेड’ नारायणकाजी श्रेष्ठ आजभोलि ठूलो सकसमा छन् । प्रचण्ड र बाबुराम भट्टराईसँग तपाईंहरु नसुध्रिएकाले अब लामो समय बस्न सक्तिन भनेर फुट्ने संकेत दिइससकेका छन भने आफ्नै समूहका नेताहरुको भने जसरी साथ नपाएकाले उनीहरुसँग चाहिं राजनीति छाड्छु भनेर घुर्की लगाइरहेका छन् ।
समय अनुसार चलेर अवसर छोप्न सिपालु नारायणकाजी श्रेष्ठ समयसँगै बगेका छन् । क्रान्तिकारी विचार समूहलाई कमजोर पार्न प्रचण्डले विशेष महत्व दिएर पार्टीमा भित्र्याएका नारायणकाजीले धोबीघाट मोर्चा बनाएर पार्टीमा प्रचण्डलाई नै अल्पमतमा पारे । यसबाट धेरै प्रचण्ड चिढिएका थिए ।
सत्तारुढ दलहरुलाई तर्साउन हालै रोल्पाका बंकर चाहर्दै तर्साउन खोज्दा उल्टै प्रचण्डलाई तर्साउन बाबुरामसँग मिलेर पत्रकार सम्मेलन गरेर अर्को धोबीघाट रचे । यसले प्रचण्डलाई ठूला धोकाको महसुस भयो ।
प्रचण्डले नारायणकाजीसँग गठबन्धन तोड्न बाबुरामलाई प्रस्तावित अध्यक्ष बनाए । प्रचण्ड र बाबुराम मिलेर यतिवेला नारायणकाजीलाई उपेक्षामात्र गरेका छैनन् किनारामा पुर्याएका छन, केही सोंध्दैनन् । उनी त्यस पार्टीमा किनाराका साक्षीमात्र छन् ।
पुरानो समूहको तागतमा उनी लड्न खोज्छन तर पुरानो समूह तहसनहस भइससकेको छ । अमिक शेरचन, लीलामणिहरु प्रचण्डतिर छन् । गिरिराजमणि पोखरेल, आहुती आधी नारायणकाजी र आधी प्रचण्डतिर छन । नारायणकाजीको लागि भन्दा पनि उनीहरुले आफूलाई केन्द्रमा राखेर सोंच्छन । जसका कारण नारायणकाजीलाई ठूलो सकस परेको छ ।
वाहिर मोर्चा कस्दै
भित्र कमजोर बनेका नारायणकाजीले वाहिर मोर्चा बनाउन लागिरहेका छन् । प्रक्रियामा गएर भए पनि संविधान बनाउन कांग्रेस र एमालेलार्इ उकासिरहेका छन् । पार्टीको छ दिने सडक आन्दोलनमा तत्कालीन प्रधानमन्त्री माधव नेपाललाई नगल्न भनेर बाबुरामले वालुवाटारमा पुगेर भने जस्तै अहिले नारायणकाजीले केपी ओली र सुशील कोइरालाकोमा पुगेका छन् । पत्रकारहरुको घरघर चाहरेर म त संविधान जसरी पनि एक थान बनाउनु पर्छ भन्ने अडानमा छु भनेर बोलिरहेका छन । यसले एमाओवादीको अडानलाई फितलो बनाउने काम भइरहेको छ ।
नारायणकाजीलाई निकटबाट चिन्नेहरु भन्छन नारायणकाजीले सके पार्टी फुटाउँछन या राजनीति छाडेको घोषणा आजभोलि गरेमा आश्चर्य हुने छैन । इतिहासको सबैभन्दा ठूलो सकसको स्थितिबाट उनी गुज्रिरहेका छन् । झिल्कोबाट
0 comments
Write Down Your Responses