feature, news » शरणार्थी सवार डुंगा भूमध्यसागरमा दुर्घटना

लिबिया, श्रावण २१ । लिबियाका शरणार्थी चढेको पानीजहाज भूमध्यसागरमा दुर्घटना हुँदा कम्तीमा पनि २५ जनाको मृत्यु भएको छ ।

संयुक्त राष्ट्रसंघ शरणार्थी एजेन्सीका अनुसार सो जहाजमा करिब ६ सय शरणार्थी सवार थिए । तीमध्ये ४ सय जनालाई उद्धार गरिएको छ भने २५ वटा शव फेला पारिएको छ । बाँकी यात्रीको खोजी जारी रहेको जनाइएको छ । खोजतलास तथा उद्धार कार्यमा चार डुंगा र तीन हेलिकोप्टर परिचालन गरिएको छ ।
अत्यधिक भारका कारण दुर्घटना भएको अनुमान गरिएको छ । प्रत्येक वर्ष हजारौं शरणार्थीहरु भूमध्यसागर हुँदै युरोप प्रवेश गर्ने गरेको पाइन्छ । सन् २०१५ मा मात्र भूमध्यसागर हुँदै युरोप जाने क्रममा दुई हजारभन्दा बढी शरणार्थीको दुर्घटनामा मृत्यु भइसकेको छ ।

0 comments

Write Down Your Responses