feature, health » दुई हप्तादेखी मेरो लिंगमा डण्डीफोरजस्ता स–साना दाना आएको छ । के भएको होला ? कसरी बच्न सकिन्छ ? –सोम

म २२ वर्षको छु र अहिले कतारमा छु । दुई हप्तादेखी मेरो लिंगमा डण्डीफोरजस्ता स–साना दाना आएको छ । के भएको होला ? कसरी बच्न सकिन्छ ? –सोम

तपाईलको प्रश्न अनुसार तपाईको लिंगमा आएको दाना डण्डिफोर हो वा अन्य कुनै संक्रमणले निस्किएको हो भन्ने प्रष्ट छैन । पूरुषको लिंग वा अण्डकोषमा किशोरावस्थामा डण्डिफोर आउन सक्छ । तर, केहीमा वयस्क अवस्थामा पनि आउने गर्दछ । तपाईको उमेर र डण्डिफोरजस्तो कुरा उल्लेख गरिएकाले उक्त दाना डण्डिफोर नै हो कि भन्ने लाग्दछ । मानिसहरु लिंगमा देखिएका यस्ता दानालाई लिएर निकै चिन्तित हुन्छन् । यसलाई अनावश्यक सेक्सको परिणाम पनि मान्छन् । तर, यसबाट चिन्ता लिनुपर्ने कुनै कारण छैन । यो एक सामान्य शारीरिक क्रियाको कारक हो । शरीरका अन्य भाग अनुहार, ढाड, खुट्टामा आएको डण्डिफोरजस्तै यौनांगमा पनि डण्डिफोर आउने हो । डण्डीफोर छालाको तेल ग्रन्थीमा आउने असामान्यताको प्रभाव हो । लिंगमा आउने डण्डीफोर पनि यस्तै सामान्य भएपनि केही अवस्थामा खतरनाक पनि हुन सक्छ । यस्ता दानाहरु एक या दुई सातापछि आफैं निको भएर जान्छन् । यदि पीडादायी छ भने र अन्य कुनै संक्रमणले दाना आएको छ भने तुरुन्त चिकित्सकको सल्लाह लिनुपर्छ ।
डा. हरिनारायण गुप्ता -

0 comments

Write Down Your Responses