accident crime, feature » चर्चित अण्डरवल्र्ड डन दाउद इब्राहिमलाई अर्को झड्का

एजेन्सी । चर्चित अण्डरवल्र्ड डन दाउद इब्राहिमलाई फेरि अर्को झड्का लागेको छ ।
उनका धेरै नजिक मानिने तथा सन् १९९३ को मुम्बई हमलाका मुख्य आरोपी मध्ये एक खान याकुब वली मोहम्मद उर्फ येदा याकुबको कराँचीमा लामो विरामीपछि मृत्यु भएको छ ।
रिपोर्ट अनुसार मुम्बई प्रहरीको विशेष स्रोतले यस्तो पत्ता लगाएको हो । येदा याकुब १९९३ को मुम्बइए आक्रमणपछि पाकिस्तान गएका थिए ।

उनी दाउदलाई मुम्बई हमलामा उक्साउने मुख्य व्यक्ति भएको समेत जनाइएको छ । योदा याकुब भारतमा मोस्ट वाण्टेडको सूचीमा थिए ।
पाकिस्तानसँगको उच्चस्तरीय छलफलमा पनि भारतले उनलाई पक्राउ गर्न पटक पटक आग्रह गर्दै आएको थियो ।
१२ मार्च १९९३ मा भएको मुम्बई हमलामा २५७ जनाको मृत्यु भएको थियो भने ७१३ जना घाइते भएका थिए । उक्त आक्रमणमा करिब २६ करोड भारतीय रुपैयाँको नोक्सानी भएको अनुमान छ ।
केहीदिनअघि मात्रै मुम्बई आक्रमणका मुख्य अभियुक्त मध्येका याकुब मेमनलाई मृत्युदण्ड दिइएको थियो । दाउद इब्राहिमले उक्त मृत्युदण्डको बदला लिने चेतावनी दिँदै आएका छन् ।

0 comments

Write Down Your Responses