feature, news, world » चीनको आर्थिक विकासले शिखर चुम्दै

सन् २०१५ को अघिल्लो अर्धवर्षभित्रमा मात्रै, चीनको अर्थव्यवस्थामा ७ प्रतिशत विस्तार भएको छ। यसरी मध्यमवर्गको वृद्धि हासिल गरेर चीन अझै पनि विश्वव्यापी आर्थिक क्रियाकलापमा शीर्ष योगदानकर्ता हुन पुगेको छ। जबकी, अमेरिका, जापान र युरोपेली देशहरूको आर्थिक विकास भने ०.८ देखि २.५ प्रतिशतले मात्रै वृद्धि भैरहेको छ।

तथापी, केहि ज्ञाता तथा संस्थाहरूले भने चीनको ७ प्रतिशत विस्तारमा वर्षको दोश्रो चौथाईको अङ्क पुर्वानुमानभन्दा कसरी धेरै भयो भन्ने कुरामा सोधपुछ गरेका थिए। पूर्वी अनुभवलाई आधार मान्ने हो भने, कुल आपूर्ती र मागले मात्रै मध्यमवर्गीय विस्तारमा सहयोग पुर्याउन सक्दैन, त्यसको साथसाथै अन्य तत्व जस्तै ऊर्जा खपत र यातायातले पनि यसमा प्रत्यक्ष असर गरिरहेको हुन्छ।

वर्षको दोश्रो चौथाई तिर चीनको आर्थिक वृद्धिदर ७ प्रतिशत हुन्छ भनेर केहि अर्थशास्त्रहरूले त सोचेका पनि थिएनन्। ‘वाल स्ट्रीट जर्नल’लाई उनीहरूले चीनको आर्थिक वृद्धिदर केवल ६.८ प्रतिशत मात्र हुनेछ भनेर अनुमान गरेको कुरा भनेका थिए।

“आर्थिक तथ्याङ्कलाई हेरेपछि, पहिलो अर्धवर्षमा ७ प्रतिशत वृद्धि हुनुमा यसको बलियो आधारभूत तत्व, आपूर्तीको दह्रो साथ र मागको प्रोत्साहनको उत्तिकै हात रहेको विश्वास गरेका छौँ।”, ‘इन्टरनेशनल इकोनोमिक एक्सचेन्जेज’का उपराष्ट्रपति ‘झाङ जाओक्वीङ्’ले अगस्ट ६ मा प्रकाशन भएको एक लेखमा भनेका थिए।

वर्षको दोश्रो चौथाईमा चीनको आर्थिक स्थितिमा केहि कमी भएको थियो। तर ती ज्ञाताहरूले भने जुन महिनामा नै चीनको आर्थिकवृद्धि हुन्छ भनेर अनुमान गर्न चुकेका थिए। चीनको सेवा क्षेत्रमा वृद्धिको कारण, चीनले आफू माथि उठ्ने मौका पाएको थियो र सेवा क्षेत्रमै ७ प्रतिशत वृद्धि पनि भएको थियो, जुन पछि गएर ८.४ मा बढ्न पुग्यो।

साधारनतया, पहिलो अर्धवर्षमा यसरी आर्थिक क्षेत्रमा वृद्धि हुनु पूर्वीय अनुभवभन्दा बाहिर थियो, तर आर्थिक संरचनामा केहि सुधारको कारणले चीनको आर्थिक वृद्धिदर बढ्न गएको हो।

0 comments

Write Down Your Responses