feature, sports » म्यानयुको विजयी सुरुआत, प्रिमियर लिगको पहिलो गोल आत्मघाती

काठमाडौं, श्रावण २३ । यो सिजनको इंग्लिस प्रिमियर लिग फुटबलको उद्घाटन खेलमा उपाधि दाबेदार म्यानचेस्टर युनाइटेड विजयी भएको छ ।

शनिबार भएको खेलमा म्यानयुले टोटनह्याम हट्सपरलाई १–० ले हराएको हो । प्रिमियर लिगको पहिलो गोल भने आत्मघाती भएको छ । टोटनह्यामका कायल वाकरले आत्मघाती गोल गरेका हुन् ।

प्रिमियर लिगको पहिलो दिन शनिबारै अरु पाँच खेल पनि हुँदै छन् । नवप्रवेशी टिम एएफ्सी बोर्नमाउथले एस्टन भिल्लाको, एभर्टनले अर्को नवप्रवेशी टिम वाट्फोर्डको, लेस्टर सिटीले सन्डरल्यान्डको तथा नर्विच सिटीले क्रिस्टल प्यालेसको सामना गर्दैछ ।

यसैगरी, शनिबारै राति सवा १० बजे साविक विजेता चेल्सीले स्वान्सी सिटीसँग प्रतिस्पर्धा गर्दैछ ।

0 comments

Write Down Your Responses